ក.សម័យបុរាណ
ពិធីកាត់សក់កូនប្រុសកូនស្រី សម័យនោះ មិនមែនជាពិធីកាត់សក់ គ្រាន់តែជានិមិត្តរូបដូចសម័យបច្ចុប្បន្ននោះទេ គឺ៖
១. កូនស្រី គេទុកសក់វែងបួង គ្រាន់តែកោរជើងសក់ កោររោមចញ្ចើម រោមមុខ ឲ្យមានសាច់សល្អប៉ុណ្ណោះ។
២. កូនប្រុស របៀបពិធីកាត់សក់នៅរោងផ្កាស្លា ឯពិធីកាត់សក់នោះគឺគេកាត់សក់មែនទែន មិនមែនគ្រាន់តែកាត់ជានិមិត្តរូបនោះទេ។ លុះកាត់សក់ចប់ហើយទើបលោកមេបាបញ្ជាឲ្យធ្វើពិធីផ្សេងទៀត។
ខ.សម័យបច្ចុប្បន្ន
ថ្ងៃរៀបអាពាហ៍ពិពាហ៍បច្ចុប្បន្ន មានត្រឹមតែមួយព្រឹក ឯពិធីកាត់សក់គ្រាន់តែរៀបចំដើម្បីបង្គ្រប់កិច្ចប៉ុណ្ណោះ គឺមិនធ្វើដូចការពីជំនាន់ដើមនោះទេគឺគេកាត់ៗយកតែម្តង។ ពិធីកាត់សក់យូរអស់គឺចំណាយពេលមួយម៉ោង ដោយសារអ្នកភ្លេងលេងកំប្លែងដើម្បីឲ្យពីធីកាន់តែមានភាពសប្បាយ រើករាយក្នុងពេលកាត់សក់។
ប្រភពៈ សៀវភៅអាហ៍ពិពាហ៍ខ្មែរ
